जिल्ला निर्वाचन कार्यालय खारेज नगरिने अर्थमन्त्रीको प्रष्टोक्ति

२९ जेठ, काठमाडौं । अर्थमन्त्री डा. प्रकाशशरण महतले जिल्ला निर्वाचन कार्यालय खारेज नहुने स्पष्ट पारेका छन् । आर्थिक वर्ष २०८०/०८१ को राजश्व र व्ययको वार्षिक अनुमानमाथिको छलफलमा उठेका प्रश्नको सोमबार प्रतिनिधिसभा बैठकमा प्रष्टिकरण दिने क्रममा अर्थमन्त्री डा. महतले जिल्ला निर्वाचन कार्यालय खारेज नहुने बताएका प्रष्ट पारेका हुन् । 

जवाफमा अर्थमन्त्री महतले निर्वाचन कार्यालय खारेज गर्ने र अधिकार कटौती गर्ने सरकारको मनसाय नरहेको बताए । उनले जिल्ला निर्वाचन कार्यालयलाई सीडीओ कार्यालयभित्र एउटा एकाइको रुपमा संचालन गर्न सकिने कुरालाई मात्र आफूले बजेटमा राखेको, खारेज गर्ने योजनामा राखिएको स्पष्ट पारे ।