असारमा वाणिज्य बैंकको निक्षेप ब्याज दर हेरफेर नहुने

३० जेठ, काठमाडौं । असारमा वाणिज्य बैंकहरुकाे निक्षेपतर्फको ब्याज दर नहेरफेर नहुने भएको छ । छाता संस्था नेपाल बैंकर्स संघले असारमा निक्षेपको ब्याजदर नचलाउने निर्णय गरेको हो । 

राष्ट्र बैंकले मौद्रिक नीति तर्जुमाको प्रक्रिया सुरु गरेकोले मौद्रिक नीतिअगाडि निक्षेपको ब्याजदर नचलाउने निर्णय भएको बैंकर्स संघका उपाध्यक्ष सन्तोष कोइरालाले जानकारी दिए ।

केन्द्रिय बैंकले चालु आर्थिक वर्षको मौद्रिक नीतिका मुद्रास्फीति ७ प्रतिशतभित्र कायम राख्ने लक्ष्य लिएको छ । आगामी आर्थिक वर्ष २०८०/८१ को लागि सरकारले बजेटमार्फत मुद्रास्फीति साढे ६ प्रतिशतभित्र कायम राख्ने लक्ष्य मौद्रिक नीतिमा हुनुपर्ने जनाएको छ । राष्ट्र बै.कले सोही अनुसार मौद्रिक नीतिमा नीतिगत दरहरु तय गर्नुपर्ने हुन्छ । 

वैशाखदेखि बैंकहरुले निक्षेपको ब्याजदर घटाएर व्यक्तिगत मुद्दति निक्षेपमा ९.९९ प्रतिशत र बचतमा ५.४ देखि ७.४ प्रतिशतको ब्याज दर कायम गरेका छन् । संस्थागत मुद्दति निक्षेपमा ७.९९ प्रतिशत ब्याज दर कायम गरेका छन् ।