शेयरबजारमा उछाल आँउदा ४ अर्ब नाघ्यो कारोबार

३० जेठ, काठमाडौं । शेयरबजारमा उछाल आएको छ । सुधारउन्मुख तरलता, घट्दो ब्याजदर र साना लगानीकर्ताले अतिरिक्त कर तिर्न नपर्ने अर्थमन्त्रीको भनाइपछि लगानी कर्ताहरु निर्धक्क देखिएका छन् । मंगलबार मात्र ४ अर्ब माथिको कारोबार भएको छ । ीबहmष् द्यबलप 

बजेटपछि चलायमान हुन थालेको आर्थिक गतिविधिसँगै सुधारउन्मुख तरलता र घट्दो ब्याजदरले पनि शेयरबजारको मनोबल बढाएको देखाउँछ । ९६ दिनपछि सूचक दुई हजारको विन्दु माथि उक्लिएको छ । बजार रियाली बनेको छ । दुई दिन चलेको करको विवाद पनि माग अनुकूल सम्बोधन हुँदा लगानीकर्ताको मनोबल निरन्तर बढेको देखिन्छ । निर्धक्क लगानीको वातावरणले बजारमा त्यसयता हरियाली मात्रै छाएको छ ।  

साथै बाह्य क्षेत्रको सुधारले लगानी सुविधाजनक रहेको संकेत गरेको हो । निस्फिक्री लागनी गर्न थालेपछि बजारमा भित्रिने रकम पनि उल्लेख्य हुन थालेको छ । यसै गर्दा मंगलबार सेयर बजार ३४.१७ अंक बढेर २०२० को विन्दुमा कायम छ । बजारमा उछाल आउँदा कारोबार ४ अर्ब नाघेको छ । ३ वटा कम्पनीको सेयरमा सकारात्मक सर्किट नै लाग्यो। कारोबारमा आएका लगभग सबै सेयरहरु बढेका छन् ।

मंगलबार शेयरबजारको परिसूचक नेप्से २ हजार २० अंकमा पुगेको छ । अघिल्लो दिनको तुलनामा नेप्से ३४ अंक बढेर २०२० अंकमा कायम भएको हो । कारोबार भइरहँदा २ ः २२ बजे नेप्से २०३४ अंकसम्म पुगेको थियो ।  परिसूचकसँगै कारोबार रकम पनि बढेको छ ।

सोमबार २ अर्ब ८८ करोडको कारोबार भएकोमा आज ४ अर्ब १२ करोडको कारोबार भयो । कुल १९६ कम्पनीको मूल्य बढ्दा २२ को घट्यो भने ५ को स्थिर रहृयो । बैंकिङ ७, विकास बैंक ५८, फाइनान्स ३६, होटल तथा पर्यटन १०३, जलविद्युत् ४८, जीवन बीमा २७६, उत्पादन २२१, माइक्रोफाइनान्स ९६, निर्जीवन बीमा २२४, अन्य १५ र ब्यापार उपसमूह ६१ अंक बढे ।

प्रतिशतका आधारमा उत्पादन उपसमूह सबैभन्दा धेरै ४.३ प्रतिशत बढ्यो । विन नेपाल लघुवित्त, भूगोल इनर्जी, सिटी होटलको मूल्य १० प्रतिशत बढ्यो । हिमालयन डिस्टिलरीको ८.८ र शिवम् सिमेन्टको मूल्य ८.२ प्रतिशत बढ्यो । युनिलिभरको मूल्य ३ प्रतिशत घट्यो । कारोबार रकमका आधारमा शिवम् सिमेन्ट, हिमालयन डिस्टिलरी, आईजीआई प्रुडेन्सियल, सोल्टी होटल र नेपाल लाइफ इन्स्योरेन्स कम्पनी क्रमशः अगाडि रहे ।