नेसनल माइक्रोफाइनान्सको बोनस शेयर डिम्याट खातामा

३१ जेठ, काठमाडौं । नेसनल माइक्रोफाइनान्सले १५ प्रतिशत बोनस शेयर सम्बन्धित शेयरधनीको डिम्याट खातामा जम्मा गरिदिएको छ ।

कम्पनीले वैशाख ३ गतेसम्म शेयर डिम्याट गराएकाहरुको बोनस शेयर खातामा पठाइदिएको हो । तर, अहिलेसम्म पनि डिम्याट नगरेकाहरुले खातामा बोनस शेयर पाउनका लागि पहिला आफूसँग भएको भौतिक प्रमाणपत्र डिम्याट गर्नुपर्नेछ । 

अनि मात्र बोनस जम्मा गरिने कम्पनीले जनाएको छ । कम्पनीको १५ वैशाखमा  सम्पन्न सभाले गत आर्थिक वर्षको नाफाबाट १५ प्रतिशत बोनस सेयर वितरण गर्ने प्रस्ताव पारित गरेको थियो ।