श्रीमानको कुटपिटबाट नमोबुद्ध नगरपालिकामा वडा सदस्यको मृत्यु

३२ जेठ, काठमाडौं । श्रीमानको कुटपिटबाट काभ्रेपलाञ्चोकको नमोबुद्ध नगरपालिका-११ की दलित महिला सदस्य ज्ञानी विकको मृत्यु भएको छ ।

घरायझी झगडामा यही जेठ २९ गते ज्ञानीलाई श्रीमान् शम्भु बिकले निर्घात कुटपिट गरेका थिए । गम्भीर घाइते भएको ज्ञानीको उपचारका क्रममा गएराति धुलिखेल अस्पतालमा मृत्यु भएको प्रहरीले जनाएको छ ।

कुटपिटबाट ज्ञानीको टाउको गम्भीर चोट लागेको थियो । कुटपिट गर्ने श्रीमान शम्भुलाई प्रहरीले पक्राउ गरेर अुनसन्धान गरिरहेको छ । २०७९ को स्थानीय तहको निर्वाचनमा दलित महिला वडा सदस्य निर्वाचित भएकी थिइन् ।