अभियुक्त तर्फका वकिलले उठाएका प्रश्नमा सरकारी वकिलले आज जवाफ दिने

१ असार, काठमाडौं । नक्कली शरणार्थी प्रकरणमा आजबाट जवाफी बहस सुरु हुने भएको छ । अभियुक्त तर्फका वकिलको बहस सकिएसँगै आज जवाफी बहस हुने भएको हो । सरकारी वकिलका तर्फबाट जवाफी बहस गर्दै अभियुक्त तर्फका वकिलले उठाएको कानुनी प्रश्नको जवाफ दिने बताइएको छ ।

जवाफी बहसकाे नेतृत्व जिल्ला सरकारी वकिल कार्यालयका प्रमुख अच्युतमणि नेउपानेले गर्नेछन् । शुक्रबार (आज) दिउँसो २ बजेसम्म जवाफी बहस गर्न दिएर आज नै अभियुक्तहरूलाई थुनामा पठाउने-नपठाउने आदेश हुने आंकलन गरिएको छ ।

सो प्रकरणमा पक्राउ परेका १८ जना आरोपीको तर्फबाट थुनछेक बहस सकिएपछि आज सरकारी वकिलले जवाफी बहस गर्नेछन । जिल्ला सरकारी वकिलको कार्यालय, काठमाडौँका प्रमुख अच्यूतमणि न्यौपानेसहितका चार जना अधिवक्ताले आज जवाफी बहस गर्नेछन् ।