सरकारले ऐनमा पनि प्रिन्ट मिस्टेक भएर आयो भन्न बेर लाउँदैन : सोबिता गौतम

१ असार, काठमाडौं । राष्ट्रिय स्वतन्त्र पार्टी (रास्वपा)का सांसद सोबिता गौतमले गम्भीर विषयमा समेत सरकारले गैरजिम्मेवारीपूर्ण जवाफ दिएको भन्दै आपत्ति जनाएकी छन् ।

शुक्रबार प्रतिनिधिसभाको बैठकमा मन्त्रालयगत विनियोजन विधेयकमाथिको छलफलमा भाग लिँदै सांसद गौतमले बजेटमा विभेदकारी व्यवहार देखाएको बताउँदै बजेटमाथि सांसदहरुले उठाएका प्रश्नको जवाफ सही दिन आग्रह गरिन् । 

उनले भूमि व्यवस्था, उद्योग वाणिज्य र भौतिक पूर्वाधार मन्त्रालयमा छुट्याएको बजेट पूर्वाग्रही रहेको बताउँदै कतिपय ठेगाना नै नरहेको स्थानमा समेत बुजेट छुट्याएर सरकारले गैरजिम्मेवारीपूर्ण काम गरेको बताइन् । 
‘हुन त बजेटमा आएका शीर्षक नै प्रिन्ट मिस्टेक भएको भनेर ढाँटने सरकारको कुरा गर्ने’ उनले भनिन्, ‘भोलिका दिनमा बनिसकेको ऐनमा पनि प्रिन्ट मिस्टेक, अदालतको आदेशमा पनि प्रिन्ट मिस्टेक भएको भनेर कमजोरी लुकाउने काम गर्न बेर लाउँदैन ।’

उनले काठमार्डाैं महानगरभित्र ३५ नम्बर वडा नै नरहेको अवस्थामा पनि वडा उल्लेख गरेर बजेट छुट्याएको देख्दा उदेक लागेको बताइन् । सरकारले होसमा काम नगरेको हो कि भन्ने आफूलाई लागेको बताइन् ।