अनुसन्धान विभागमा जागिर खुल्यो, अधिकृत ३० र सहायकमा ४१ जना माग

२ असार, काठमाडौं । राष्ट्रिय अनुसन्धान विभागमा जागिर खुलेको छ । विभागले स्थायी पदपूर्तिका लागि अनुसन्धान अधिकृत र अनुसन्धान सहायक पदमा दरखास्त आह्वान गरेको छ । 

विभागले खुला प्रतियोगितात्मक परीक्षाद्वारा पदपूर्ति गर्ने गरी अनुसन्धान अधिकृत ३० र अनुसन्धान सहायक ४१ जना माग गरेको छ । असार भरी आवेदन दिन पाइने छ । 

योग्यता पुगेका नेपाली नागरिकले विभागको वेबसाइटमार्फत अनलाइन फाराम भर्नुपर्नेछ । आवेदन ३० दिनभित्र दिन सकिनेछ । दोब्बर दस्तुर तिरेर थप एक साता फारम भर्न सकिनेछ ।