हाइड्रोपावर कम्पनीहरूमा आईपीओ नै आईपीओ

३ असार, काठमाडौं । नेपाल धितोपत्र बोर्डले गत र चालु आर्थिक वर्षको यस अवधिसम्ममा कुल ४२ वटा हाइड्रोपावर कम्पनीलाई आईपीओ निष्कासनका लागि अनुमति प्रदान गरेको छ । गत वर्ष १९ र चालू आर्थिक वर्षमा यसले २३ वटा हाइड्रोपावर कम्पनीलाई आईपीओ जारी गर्न अनुमति दिएको हो । 

अहिलेसम्म आईपीओ निष्कासन गर्न अनुमति पाएका यस्ता कम्पनीहरूमध्ये आधाभन्दा धेरैले यही २ आर्थिक वर्षमा स्वीकृति प्राप्त गरेको देखिन्छ । चालू आर्थिक वर्ष सकिन अझै १ महिना बाँकी छ । र, बोर्डबाट आईपीओ बिक्री गर्न अनुमति कुरेर बसेका हाइड्रोपावर कम्पनी पनि धेरै छन् । तसर्थ, यो संख्या अझै बढ्ने संभावना उत्तिकै रहन्छ ।

पछिल्लो समय साधारण सेयर जारी गर्ने हाइड्रोपावर कम्पनीको संख्या ह्वात्तै बढेको छ । उनीहरूले पुँजी जुटाउनलाई आईपीओ निष्कासन गरेका हुन् ।