भारतीय चलचित्र ‘आदिपुरुष’को विवादित वाक्यप्रति संसदमा आपत्ति, प्रदर्शनमा राेक लगाउन माग

३ असार, काठमाडौं । भारतीय चलचित्र ‘आदिपुरुष’मा भारतीय कलाकारले नेपालको राष्ट्रियतामाथि आँच पुग्नेगरी राखिएको वाक्यप्रति सांसदहरुले आपत्ति जनाएका छन् ।

कलाकारले चलचित्रमा समेतिएका ‘जानकी भारतीय छोरी’, गौतम बुद्ध भारतमा जन्मिएको भन्ने अभिव्यक्तिप्रति प्रतिनिधिसभाको आइतबारको बैठकमा सांसदहरुले आपत्ति जनाएका हुन् । 

सांसद ठाकुर गैरेले ‘आदिपुरुष’मा राखिएको नेपाली राष्ट्रियता र सार्वभौममाथि ठाडो प्रहार हुने गरी शब्दवाली तत्काल हटाउन र चलचित्रलाई नेपालभित्र चलाउन रोक लगाउन सरकारको ध्यानाकर्षण गराएका छन् ।

साथै संसद नेपालको एक इन्च भूमि सुम्पिन तयार नरहेकाे र देशको रक्षाका लागि नेपाल जुनसुकै मुल्य चुकाउन संसद र सांसद तयार रहेकाे  बताए  ।