विश्वकप क्रिकेट छनोट : जिम्बाब्बेविरुद्ध नेपालको सकारात्मक सुरुवात, भुर्तेलकाे अर्धशतक

३ असार, काठमाडौं । विश्वकप क्रिकेट छनोटमा नेपालले घरेलु टोली जिम्बाव्वेविरुद्ध सकारात्मक सुरुवात गरेको छ । टस हारेर ब्याटिङ गरिरहेको नेपालले  १६ ओभरको खेल सकिँदा बिना क्षति ८४ रन बनाएको छ ।

नेपालका ओपनर कुशल भुर्तेलले ६३ बलमा ५० रन जोडेका छन् । उनले आठ वटा चौका हानेका छन् । आसिफ शेख २९ रनमा खेलिरहेका छन् । नेपालले पाँच वर्षपछि जिम्बाब्बेसँग ५० ओभरको खेल खेलेको हो । नेपालले टेष्ट मान्यताप्राप्त राष्ट्रसँग खेलेको यो पहिलो एकदिवसीय अन्तर्राष्ट्रिय खेलसमेत हो ।