नेपाली बजारमा सुनको मूल्य स्थिर हुँदा चाँदीको भाउ घट्यो

४ असार, काठमाडौं । सोमबार नेपाली बजारमा सुनको मूल्य स्थिर रहेको छ भने चाँदीको मूल्य घटेको छ । गत कारोबार दिन अर्थात् आइतबार प्रति तोला दुई सय रूपैयाँ घटेको सुनको मूल्य आज स्थिर रहेको हो ।

नेपाल सुनचाँदी व्यवसायी महासंघका अनुसार सोमबार छापावाल सुन प्रति तोला एक लाख १२ हजार रूपैयाँ र तेजाबी सुन प्रति तोला एक लाख ११ हजार चार सय ५० रूपैयाँमा कारोबार भइरहेको छ । आइतबार पनि सुन सोही मूल्यमा कारोबार भएको थियो।  

त्यसैगरी, सोमबार चाँदीको मूल्य भने घटेको छ । आइतबार प्रति तोला १४ सय ४५ रूपैयाँमा कारोबार भएको चाँदी सोमबार प्रति तोला १४ सय ४० रूपैयाँमा किनबेच भइरहेको छ । यो मूल्य अघिल्लो दिनको तुलनामा प्रति तोला ५ रूपैयाँ घटेको छ।