ईपीजीको रिपोर्ट नबुझेकामा सरकारलाई सांसदहरुको प्रश्न

४ असार, काठमाडौं । नेपाल–भारतबीचको सहमतिमा दुवै देशका विज्ञ समुह (ईपीजी)को टोलीले दुई वर्ष लगाएर अध्ययन सकेर तयार पारेको रिपोर्ट (प्रतिवेदन) नबुझेका सांसदहरुले सरकारलाई प्रश्न गरेका छन् । 
दुवै देशका विज्ञहरुले धेरै पहिले तयार पारेको उक्त प्रतिवेदन दुवै देशका प्रधानमन्त्रीले बुझेका छैनन् ।

प्रतिवेदनमा नेपाल-भारतबीचको सम्बन्धमा उचाईमा पुर्याउन सन् १८१६ को सुगौली सन्धिदेखिका सन्धि सम्झौता समयानुकूल पुनरावलोकन गरिनुपर्ने लगायत सुझाव दिइएको भनिएको उक्त प्रतिवेदन सुरुमा भारतका प्रधानमन्त्रीले बुझ्नुपर्ने दाबी रहेको बताइन्छ । तर भारतीय प्रधानमन्त्री नरेन्द्र मोदीले यसबारे मतलब नै राखेका छैनन् । 

हालै भएको प्रधानमन्त्रीको भारत भ्रमणका यो विषय उठाउन सुझाव दिएपनि बेवास्ता गरेको सोमबार जारी प्रतिनिधिसभाको बैठकमा सांसदहरुले गुनासो गरेका छन् । रास्वपाका प्रमुख सचेतक सन्तोष परियारले परराष्ट्र मन्त्रालयको विनियोजन विधेयकमाथि धारणा राख्दै ईपीजी रिपोर्ट बुझ्नेसम्बन्धी तयारी तत्काल सुरु गर्न आग्रह गरे । 

सांसद सुमना श्रेष्ठ, रघुवीर महासेठ लगायतले ईपीजी प्रतिवेदन नेपालका प्रधानमन्त्रीले भएपनि बुझेर अध्ययन गर्नुपर्ने बताए । सांसद राजेन्द्र लिङदेनले सरकारले परराष्ट्र नीतिको मर्म र इज्जत गर्न नसकेको भन्दै विदेशीले हेप्ने अवस्था आएको बताए । परराष्ट्र नीति र कुटनीति गेरु वस्त्रै स्वाह भएको बताए ।