प्रतिनिधिसभामा परराष्ट्र, संचार र ऊर्जा मन्त्रालयको विनियोजित बजेटमाथि छलफल सकियो

४ असार, काठमाडौं । प्रतिनिधिसभाकोआजको बैठकमा परराष्ट्र, संचार तथा सूचना प्रविधि र ऊर्जा तथा सिंचाई मन्त्रालयको विनियोजित बजेटमाथि छलफल सकिएको छ । सात घण्टा बढी चलेको बैठके छलफलमा दर्जनौं सांसदहरुले मन्त्रालयमाथिको विनियोजन विधेयकमाथि आलोचना, सुझाव र समर्थन मिश्रित धारणा राखेका छन् । 

अर्को बैठक भोलि मंगलबार बिहान ११ बजे बस्ने सभामुख देवराज घिमिरेले बैठकमा जानकारी दिएका छन् । भोलिको बैठकमा खानेपानी, शहरी विकास, अर्थ र श्रम मन्त्रालयमाथिको विनियोजन विधेयकमाथि छलफल हुने जानकारी पनि सभामुख घिमिरेले दिए ।

सरकारले आगामी आर्थिक वर्ष २०८०/८१ का लागि १७ खर्ब, ५१ अर्ब ३१ करोडको बजेट घोषणा गरेको छ । केन्द्र सरकारसँग २५ मन्त्रालय छन् । बैठकमा मन्त्रालयगत विनियोजित बजेटमाथि दवाफर छलफल हुने व्यवस्था छ ।