मन्त्रिपरिषद्‌को निर्णयबिना पदपूर्ति नगर्न स्थानीय तहलाई स्वास्थ्य मन्त्रालयको निर्देशन

५ असार, काठमाडौं । स्वास्थ्य तथा जनसंख्या मन्त्रालयले मन्त्रिपरिषद्को निर्णयबिना कर्मचारी (जनशक्ति) नराख्न स्थानीय तहलाई निर्देशन दिएको छ ।

मन्त्रालयले मन्त्रिस्तरीय निर्णय गर्दै मन्त्रिपरिषद्‌बाट स्वीकृत दरबन्दीबाहेकको पदमा कुनैपनि प्रक्रियाबाट पदपूर्ति नगर्न निर्देशन दिएको हो ।

जथाभावी पद सिर्जना गर्ने र कर्मचारी राख्ने कामले संघ सरकारलाई अर्थिक भार पर्ने भन्दै रोक्न निर्देशन दिएको मन्त्रालयले जनाएको छ । मन्त्रालयले लोक सेवा आयोगबाट स्थायी पदपूर्ति समेत नगर्न भनेको छ ।