दक्षिण एसियाको सबैभन्दा ठूलो फुटबल प्रतियोगिताको उदघाटन खेलमा नेपालको कुवेतसँग प्रतिस्पर्धा

 ६ असार, काठमाडौं । साफ च्याम्पियनसिपको उद्‍घाटन खेलमा आज नेपाल र कुवेत बीचमा प्रतिस्पर्धा हुँदैछ  । भारतको बेंग्लोरमा हुने प्रतियोगिताको उद्‍घाटन खेलमा नेपाल र कुवेतबीच प्रतिस्पर्धा हुन लागेको हो । सो खेल  दिउँसो ३ः४५ बजेबाट सुरू हुनेछ ।
 
कुवेत पहिलो पटक दक्षिण एसियाको सबैभन्दा ठूलो फुटबल प्रतियोगिता साफ च्याम्पियनसिपमा भाग लिन लागेको हो । आमन्त्रित टिमको रुपमा साफमा सहभागी हुन लागेको कुवेतसँग नेपालले आज आफ्नो जीत दर्ज गराउने उद्देश्यका साथ मैदानमा उत्रँदैछ ।

प्रशिक्षक भिन्सेन्जो अल्बर्टो एनेसेले छोटो तयारीका बीचमा प्रतियोगितामा सामेल हुन लागेको नेपाली टिमले कठिन चुनौतीको सामना गर्न सक्षम रहेको बताएका छन् । गत वर्ष मात्रै एसियन कपको छनोटमा कुवेतसँग नेपाल ४–१ गोलले पराजय भएको थियो । यससँगै नेपाल र कुवेतका बीचमा ५ खेल भएका छन् ।