दिवंगत मन्त्री सिंहको पार्थीव शरीर श्रद्धाञ्जलीका लागि रंगशालामा, सुदूरपश्चिम प्रदेशभर शोक बिदा

६ असार, काठमाडौं । सुदूरपश्चिम प्रदेश सरकारले बुधबार प्रदेशभर शोकबिदा दिएको छ । मंगलबार बझाङमा कार दुर्घटनामा परी आन्तरिक मामिला तथा कानुनमन्त्री पृथ्वीबहादुर सिंहको निधन भएपछि सो निधनमा प्रदेशका जिल्ला जिल्लामा शोकबिदा दिइएको हो । 

दुर्घटनामा मन्त्री सिंह, उनकी पत्नी अमृतादेवी र भाउजु जानकीको निधन भएको थियो । अर्का घाइते अंगरक्षक (पीएसओ) दीपक भण्डारी र चालक धर्मराज जोशी गम्भीर अवस्थामा नेपालगन्ज मेडिकल कलेज कोहलपुरमा उपचार भइरहेको छ ।

स्व. सिंहको पार्थीव शरीर श्रद्धाञ्जलीका लागि धनगढी रंगशालामा राखिएको छ । आजै अन्तिम दाहसंस्कार गरिनेछ । सिंहको शव भने कोहलपुरबाट धनगढी ल्याइएको हाे।

स्व. सिंहसहित ५ जना सवार सु. प्रदेश ०१००१ झ ४८० नम्बरको गाडी धनगढीबाट बझाङ जादै गर्दा बझाङकाे केदारस्युँ गाउँपालिकाको धारछडामा दुर्घटना भएको थियो । सिंह मन्त्री नियुक्ति बनेका ३२ दिन मात्र पुगेका थिए ।

उपचारका क्रममा निधन भएका सिंहकी पत्नी अमृता र भाउजू जयादेवी शव अहिले जिल्ला अस्पताल बझाङमा राखिएको छ।