नेपाली कृषि उपजलाई अन्तर्राष्ट्रिय जगतमा पुर्याउन आवश्यक छ : चन्द्र भण्डारी

६ असार, काठमडौं । नेपाली कांग्रेसका सांसद चन्द्र भण्डारीले नेपाली कृषि उपजलाई अन्तर्राष्ट्रिय बजारमा पु्र्याउन आवश्यक रहेको बताएका छन् । बुधबार प्रतिनिधिसभा बैठकमा विभिन्न मन्त्रालयगत विनियोजन विधेयकमाथिको छलफलमा भाग लिँदै सांसद भण्डारीले नेपाली किसानले उत्पदान गरेका कृषि उपजलाई विदेशी बजारमा पुर्याउन सरकारले आगामी आवमा ठोस नीति ल्याउनुपर्ने बताए । 

कृषि मन्त्रालयमाथिको विनियोजित शीर्षकबारे बोल्दै नेपाली कृषि उपजको माग विदेशमा उच्च रहेको तर सरकारले ध्यान दिन नसक्दा उत्पादनले अन्तर्राष्ट्रिय बजार पाउन नसकिरहेको बताए । कोदो, फापर लगायत कृषि उपज सुगरका बिरामीले समेत खान मिल्ने चिकित्सकको सुझाव रहेको बताउँदै यसलाई अन्तर्राष्ट्रिय बजारसम्म पुर्याउने व्यवस्था आगामी आवबाटै गर्न सुझाव दिए । ‘जब सुगरले किड्नी हान्छ, त्योबेला बिरामीलाई खान हाम्रो कोदो, आँट चाहिँदो रहेछ, हेर्नुस् त हामी कति धन रहेछौ’ उनले भने । 

कृषि बजेटमा कोल्डस्टोरको व्यवस्था गरिएपनि किसानले सडकमा गोलभेडा, दूध, बन्दकोपी सडकमा फ्याँक्नुपर्ने अवस्था कायमै रहेको भन्दै किसानको हितलाई शिरमा राखेर सरकारले काम गर्नुपर्ने बताए । कुषिबाटै अन्तर्राष्ट्रिय स्तरमा पहिचान बनाउन सकिने बताए । उनले रासायनिक मल कारखानाभन्दा पत्कर र गाईवस्तुमा मल बनाउन जोड दिनुपर्ने बताए ।

यस्तै शिक्षा क्षेत्रमा नेपाली जनशक्ति हरेक विधानमा उत्कृष्ट रहेको बताउँदै सरकारले उचित छात्रवृत्ति दिएर दक्ष जनशक्ति उत्पादन गर्न जोड दिनुपर्ने बताए । उनले धार्मिक र भौगोलिक पर्यटनबाटै देशलाई आर्थिक सम्पन्न तुल्याउन सकिने बताए । उनले लुम्बिनीमा सयौं बेडको प्रसति अस्पताल बनाउन सके मात्र पनि संसारबाट लाखौं बौद्ध धर्मका अनुयायी बुछ जन्मिएको स्थान लुम्बिनीमा बच्चा जन्माउन आउने र पर्यटक बढ्ने बताए । 

क्रिकेट, फुटबल लगायत खेलकुदको विकासका लागि कम्तीमा मैदान बनाउन ठोस नीति बनाउन सुझाव दिए । विश्वभर वीर सहासीको बहादुरी कमाएका गोर्खालीले क्रिकेट र फुटबल मात्रै हानेर पनि पैसा कमाउन सकिने उनको भनाइ थियो । क्रिकेट मैदानमा लागि पुग्दो मात्रामा बजेट छुट्याउन सुझाव दिए । साथै, कला र मनोरञ्जन क्षेत्रको पर्यटनबाटै प्रशस्त आम्दानी लिने आधारमा प्रचुर रहेको उनको भनाइ छ ।

कृषि, पर्यटन, सुरक्षा, नैतिकताका विषयलाई पाठ्यक्रममा समावेश गरेर बाल उमेरदेखि नै नागरिकलाई देशप्रेमी बनाउन अनिवार्य भएको बताए ।

उनले शहर बजारमा फोहोरले दुर्गन्ध फैलाउने क्रम नरोकिएको भन्दै नागरिकको स्वास्थ्य धुमपानले मात्र नभई फोहोरका कारण बिग्रिरहेको बताए । नागरिकलाई दुर्गन्ध हटाउन चुराटको धुँवा सहारा लिनुपर्ने अवस्थामा पुुर्याउने तरिकाबाट सरकार अगाडि बढिरहेको उनले टिप्पणी गरे ।

मुलुकमा कानूनी राजबाहेक अन्य कल्पना गर्न नसकिने भन्दै अपराध कर्म गर्ने जोकोहीलाई कानून दायरामा ल्याउन सरकारले खुट्टा कमउन नहुने बताए । समाजमा अमयचयन र न्याय दिलाउन आवश्यक पर्ने कानून बनाउन ढिलाई नगर्न कानूनमन्त्रालयको ध्यानाकर्षण गराए ।