शेयरबजार १४.०५ विन्दुले घट्यो, होटल तथा पर्यटन समूहकाे सर्किटमा सुधार

६ असार, काठमाडौं । शेयरबजारमा उतारचढाव आउने क्रम बुधबार पनि जारी रहेको छ । नेप्से सूचक १४.०५ विन्दुले घटेर २०५०.७८ विन्दुमा अडिएको छ ।

एउटा कम्पनीमा सकारात्मक सर्किट लाग्दा करिब साढे ३ अर्बको शेयर कारोबार भएको छ । होटल तथा पर्यटन समूहमा लागनीकर्ताको आकर्षण बढी देखिएको छ । 

नेप्से सूचकमा गिरावट आउँदा कारोबार रकम पनि अघिल्ला दिनहरुको तुलनामा सामान्य प्रभावित भएको छ । तीन दिनदेखि बजार सुधारमै रहेकाे छ । ट्रेडरहरुले नाफा बुक गर्नतिर लाग्दा बजार सामान्य प्रभावित भएको अनुमान गरिएको छ ।  यसअघि बजार लगातार ९ दिनसम्म शेयरबजार उकालाे लागेकाे थियाे ।

बुधबार २७१ कम्पनीको ८६ लाख ५१ हजार कित्ता सेयर कारोबार भएको छ । २३ करोड रुपैयाँभन्दा बढीसहित कारोबार रकममा शिवम् सिमेन्ट्स अग्रस्थानमा आएको छ । दोस्रो र तेस्रो स्थानमा क्रमशः सोल्टी होटल र हिमालयन डिष्टिलरी परेका छन् ।