साफ च्याम्पियन्सिप : पहिलो खेलमा नेपाल कुवेतसँग पराजित

६ असार, काटमाडौं । भरतमा बुधबारदेखि सुरु भएको साफ च्याम्पियनसिप फुटबल प्रतियोगिताको पहिलो खेलमा नेपाल पराजित भएको छ ।

बैंगलोरस्थित श्री कान्तिरभा स्टेडियममा भएको खेलमा नेपाल ३–१ गोल अन्तरले पराजित भएको हो । नेपालका लागि ६८ औँ मिनेटमा अञ्जन विष्टले सन्त्वना गोल फर्काएपछि निल हुन बाट जोगिएको हो । 

खेलको पहिलो हाफमा ३-० ले पछि परेको नेपालले दोस्रो हाफमा एक गोल खाएको हो । कुवेतका लागि खेलको २३ औँ मिनेटमा कप्तान खालिद हाजियाले १ र ४१ औँ मिनेटमा शबैब अलखाल्दीले १ गोल गोल गर्दै कुवेतलाई २–० को अग्रता दिलाए । र, खेलको ६५ औं मिनेटमा मोहम्मद अब्दुल्लाहले पेनाल्टीमा गोल गर्दै कुवेतलाई पहिलो हाफमै ३–० को अग्रता दिलाए ।

पेनाल्टी एरियामा नेपालका डिफेन्डर अनन्त तामाङले ह्याण्ड गरेपछि कुवेतले पेनाल्टीको अवसर पाएको थियो । दोस्रो हाफमा नेपालले गोल गर्ने केही सुन्दर मौका बनाए पनि सदुपयोग गर्न नसक्दा हार भोग्न बाध्य भयो। 

समुह चरणको दोस्रो खेलमा नेपालले आउने शनिबार घरेलु टोली भारतको सामना गर्नेछ भने मंगलबार पाकिस्तानसँग खेल्नेछ । नेपालका लागि विष्टकाे अन्तर्राष्टिय खेलमा याे १२औं गाेल हाे । नेपालका लागि सर्वाधिक गोलको कीर्तिमान हरि खड्का र निराजन रायमाझीको नाममा छ । उनीहरू दुवैले समान १३ गोल गरेका छन् । विष्ट कीर्तिमान नजिक पुगेका छन् ।