कृषि सामग्री कम्पनीको जनकपुर गोदाममा मल थुप्रिँदा किसान खाली हात

७ असार, काठमाडौं । देशभर किसान खेती बालीमा हाल्न रासायनिक मल नपाएर हैरानी खेपिरहेका बेला मधेश प्रदेशका धनुषामा भने मल पर्याप्त मात्रामा उप्लब्ध भइरहेको पाइएको छ । 

प्रदेशको जनकपुरधामस्थित कृषि सामग्री कम्पनी लिमिटेड शाखा कार्यालयको गोदाममा मल प्रशस्त मात्रामा मौजदात रहेको पाइएको छ । कार्यालयका प्रमुख रवि कुमार केसरीले अहिले गोदाममा युरिया १ हजार १ सय ३१ दशमलव ७ सय ५० मेट्रिक टन, डीएपी९ सय ६२ दशमलव ८ सय ५० मेट्रिकटन र पोटास् २ दशमलव ७ सय ५० मेट्रिकटन मौज्दात रहेको बताए । 

स्थानीय तहकोआन्तरिक विवादका कारण सिफारिस रोकिँदा धनुषा र महोत्तरी जिल्लामा रहेका २ सय ६ वटा थोक बिक्रेताले किसानका लागि वितरण गर्न मल पाउन सकेका छैनन् । मत गोदममै मल थन्किएको अवस्था छ । 

प्रमुख केसरीले उनले चालु आर्थिक वर्षमा अहिलेसम्म ४ हजार २ सय७० दशमलव ७ सय मेट्रिकटन युरिया, २ हजार ३ सय ४९ दशमलव ८ सय मेट्रिकटन डीएपी र २ सय ११ मेट्रिकटन पोटास वितरण गरिएको बताए । धान रोपाइँको सिजन भएसँगै अब रसायनिक बलको बिक्री वितरण बढ्ने उनले बताए । गोदाममा रहेको मल धनुषा जिल्लाका लागि मात्र दिइने भएको छ । सोही कारण छिमेकी जिल्ला महोत्तरीको लागि कम्पनीसँग नरहेको प्रमुख केसरीले बताए ।

कृषि सामग्री कम्पनी लिमिटेड शाखा कार्यालयको वार्षिक लक्ष्य युरिया ९ हजार, डिएपि ६ हजार र पोटास ५५१ मेट्रिक टन रहेको छ । बाँकी रहेको मल केही दिनमा केसरीले बताए । 

संघीय सरकारले धान गहु, मकै र तरकारी खेती गर्ने किसानहरुलाई प्राथमिकतामा राखी सहुलियत दरमा रासायनिक मल उपलब्ध गराउने व्यवस्था भएपनि मल वितरणका लागि स्थानीय तहबीच जारी किचलोले गर्दा समयमा सिफारिस नभएका कारण मल गोदाममा थुप्रिएको छ । 

सरकारले किसानहरुलाई सहुलियत दरमा युरिया मल प्रति बोरा रु ८ सय ४३, डीएपी प्रति बोरा रु २ हजार २ सय ९३ र पोटासप्रति बोरा रु १ हजार ६ सय ९३ रुपैयाँमा उपलब्ध गराउँदै आएको छ । तर धनुषा र महोत्तरीका थोक बिक्रेताहरुले दुर्गम गाउँमा महंगोमा मल बिक्री गर्दै आइरहेका छन् । महंगोमा मल खरिद गर्नु परेपछि किसानले गुनासो गरेका छन् । 

तराई क्षेत्रमा सरकारले मुख्य गरी उखु खेतीका लागि ठूलो परिमाणमा मल सहुलियतमा दिने व्यवस्था गरिएपनि मल गोदाम थन्क्याइएको हो ।