नागरिकता विधेयक प्रमाणीकरणविरुद्ध रिटको बहस जारी, इजलासमा न्यायाधीश भट्टराईको सर्कुलर

७ असार काठमाडौं ।  सर्वोच्च अदालतका न्यायाधीश आनन्द मोहन भट्टराइले नागरिकता विधेयक प्रमाणीकरणविरुद्ध परेको रिटमा बहस सर्कलुर जारी गरेका छन् ।  उनले खाजा समयमा पनि काम गर्नु पर्ने बताएका छन् । न्यायाधीश भट्टराइले आज अबेर सम्ममा भएपनि फैसला सुनाउने तयारी गरेका छन् । न्यायाधीश आनन्दमोहन भट्टराई र कुमार रेग्मीको इजलासमा यो रिटमाथि बहस भइरहेको छ । 

उनले बहसका लागि सुरुमा रिट निवेदकका तर्फबाट १ बजेसम्मको समय निर्धारण गरेका थिए । सरकारी वकिललाई बहस गर्नका लागि १ बजेदेखि ३ बजेसम्मको समय दिइएको छ । खाजा समय भए पनि सुनुवाइ जारी रहने न्यायाधीश आनन्दमोहन भट्टराईले इजलासमा सर्कुलर जारी गरेका छन् । 
 
उक्त रिटमा सरोकारवालाको तर्फबाट बहस गर्न अपराह्न ३ बजेदेखि ४ बजेसम्मको समय दिइएको छ । सबैको बहस सकिएपछि जवाफ दिनुपर्ने भएमा वा थप प्रस्ट पार्नुपर्ने भएमा रिट निवेदकहरुलाई थप आधा घण्टाको समय दिइएको छ । उनले कार्यालय समयभित्र बहस सक्ने गरी सवै पक्ष्ँलाई निर्देशन दिएको सर्वोच्च अदालत प्रशासन स्रोत जानकारी दिएको छ ।  

राष्ट्रपति रामचन्द्र पौडेलले प्रमाणीकरण गरेपछि त्यसको विरुद्धमा रिट परेको थियो । राष्ट्रपतिले कानुन र संविधान विपरीतको काम गरेको भन्दै प्रमाणीकरण विरुद्ध रिट परेको हो ।