रास्वपाले साँझ ७ बजे ७७ वटै जिल्लामा घण्टी बजाउने

७ असार, काठमाडौं । संसदको चौथो शक्ति (दल) राष्ट्रिय स्वतन्त्र पार्टी (रास्वपा)ले आज साँझ ७ बजे देशका ७ प्रदेश र ७७ वटै जिल्लामा घण्टी बजाउने भएको छ । 

पार्टी स्थापनाको पहिलो वर्षगाँठको अवसरमा देशभरका ७७ वटै जिल्लामा घण्टी बजाएर दिवसको भव्य झलक दिने बताएको छ । बिहीबार पार्टीको नयाँ मुख्यालय बालाजुको चःमती मार्गमा पार्टी कार्यालयको सुरुवात गर्दै पार्टीको चुनाव चिन्ह घण्टी बजाएर दिवसको उद्घाटन गरेका छन् । 

पहिलो स्थापना दिवसमा तत्कालीन जहानियाँ राणा शासनकालमा फाँसी दिइएका शहीद दशरथ चन्द, धर्मभक्त माथेमा, शुक्रराज शास्त्री र गंगालाल श्रेष्ठको तस्वीरमा माल्यापर्ण गरेका थिए ।

दिवसको अवसरमा आज साँझ ७ बजे देशैभर घण्टी बजाउने कार्यक्रम तय भएको जानकारी दिए । आजै मात्र बसेको पार्टीको केन्द्रीय समिति र संदीय दलको संयुक्त बैठकले पूर्वबैंकर अनिल शाहलाई पार्टी प्रशिक्षण विभागका प्रमुख चयन गरेको छ ।

गत वर्ष स्थानीइ चुनावपछि असार ७ मा स्थापना भएको रास्वपाका तर्फबाट संघीय संसदमा २१ सिट छन् । मंसिर ४ मा सम्पन्न निर्वाचनमा २० जितेको उसले पछि वैशाख १० भएको उपनिर्वाचनमा तनहुँबाट  एक सिट जितेको हो ।