लम्पी स्किन रोग नियन्त्रणका लागि सहसचिवको नेतृत्वमा टोली परिचालन

८ असार, काठमाडौं । सरकारले पशु चौपायामा महामारी बनेर फैलिइरहेको लम्पी स्किन रोग नियन्त्रण तथा औषधोपचारका लागि कृषि तथा पशुपंक्षी मन्त्रालयका सहसचिवको नेतृत्वमा टोली गठन गरेको छ ।

शुक्रबार प्रतिनिधिसभाको बैठकमा प्रधानमन्त्रीसँग प्रश्नोत्तर कार्यक्रममा सांसदहरुले लम्पी स्किन महामारी नियन्त्रणबारे राखेका प्रश्नको जवाफमा प्रधानमन्त्री प्रचण्डले मन्त्रालयका सहसचिवको नेतृत्वमा ७ सदीय टोली गठन भइसकेको र टोलीलाई सात वटै प्रदेशमार्फत सबै स्थानीय तहसम्म पुग्ने गरी स्थानीय तह वडास्तरमा समन्वय गरेर रोगबाट संक्रमित पशुको उपचार र महामारी नियन्त्रणका लागि ठोस काम गर्ने जिम्मा दिइएको बताए । सरकारले रोगविरुद्ध भ्याक्सिन उप्लब्ध गराउने आश्वसन पनि दिएका छन् ।

लम्पी स्किन रोग हालसम्म ७६ जिल्लामा फैलिएको र यसबाट हालसम्म गाई, भैंसी, गोरु, राँगागरी साढे ६ हजार मरिसकेको छ । १० लाख भन्दा बढी संक्रमित भएका छन् । संक्रमणका कारण पहाडी गोरु बिरामी परेका कारण पहाडी क्षेत्रमा धान रोपाईँ प्रभावित भएको छ ।