भारतले नेपालमाथि हवाई प्रतिबन्ध लगाइरहेकाे छ : सांसद भट्टराई

८ असार, काठमाडौं । एमालेका सांसद योग भट्टराईले दिक्षणी छिमेकी भारतले नेपालको हवाई उडानमा प्रतिबन्ध लगाइरहेको बताएका छन् ।

शुक्रबार प्रतिनिधिसभाको बैठकमा संस्कृति, पर्यटन तथा नागरिक उड्डययन मन्त्रालयको आगामी आर्थिक वर्ष २०८०/८१ का लागि विनियोजित बजेट शीर्षकमाथि छलफलमा भाग लिँदै सांसद भट्टराईले ‘रोटीबेटी’को साइने लगाउने छिमेकी मुलुक भारतले नेपालको हवाइ रुट दिन आनकानी गरेर अघोषित रुपमा प्रतिबन्ध लगाइरहेको बताए । 

‘विगतमा भारतले जमिनको यातायातमा नाकाबन्दी गर्यो, अहिले फेरि हवाई रुट नदिएर आकाशमा उडानको बाटो पनि बन्द गरिराखेको छ, छिमेकी भनिनेबाट यस्तो काम हुनु राम्रो होइन । यसमा सरकारले घुँडा टेक्दा भारतले झनै हेपेको अवस्था छ’ भट्टराईले भने । भारतले भैरहावाको अन्तर्राष्ट्रिय विमानस्थलमा उडानले केही भारतको भाग प्रयोग गर्नुपर्ने अवस्थामा समेत रुढ अनुमति दिन भारतले नमानेको भन्दै रुटका लागि तत्काल वार्चा गर्न सरकारसँग माग गरे । यसअघि जेठको तेस्रो हप्ता प्रधानमन्त्री प्रचण्डले भारतक भ्रमणका क्रममा रुढबारे समक्षी नरेन्द्र मोदीसँग कुरा चलाएपनि ठोस कुरा जवाफ नदिएर टारेका थिए । रुट नपाएका कारण यो विमास्थलमा अन्तर्राष्ट्रिय कम्पनीहरुले बोइङ जहाज उडा भर्ना मानेका छैनन् ।

प्रधानमन्त्री प्रचण्डको भारत भ्रमणमा हवाई उडान रुट दिन स्पष्ट कुरा राख्न नसकेको आरोप लगाए । ‘भ्रमणमा एक दुई वटा टिकटको लोभ गर्नुभो, हामी प्रतिपक्षका एक दुई जना सांसद पनि जान सक्थ्यौं, तर उदारता देखाउन सक्नुभएन । राम्रो कामका लागि एमाले सरकारलाई सदैव साथ सहयोग गर्न तयार छौं नि’ उनले भने, ‘के भारतले पूर्व र पश्चिम क्षेत्रमा नेपालको आकाशबाट भारतले आफ्नो हवाई उडान गरिरहेको छ, त्यसबारे सरकार जानकार छ कि छैन ? यसमा भारतले नेपाललाई सोधेको छ ? सरकार मेरो प्रश्न छ ।’

भट्टराईले बोलिराख्दा पर्यटक मन्त्री सुदन किराती भने बैठकमा अनुपस्थित थिए । त्यसमा उनले पर्यटन मन्त्री किराती बिरामी परेका कारण अनुपस्थित भएका भए ‘स्वास्थ्यलाभ’को कामना रहेको बताए । उनले देशभर ५५ वटा विमानस्थल रहेको र यसमध्ये दुई तिहाईजति संचालनमा रहेपनि बाँकीलाई संचालन ल्याउन बजेट छुट्याउन सुझाव दिए । साथै कतिपय स्थानमा ४५ मिनेट मोटर दुरीमा विमानस्थल रहेको समेत बताए ।

उनले अन्य जिल्लाका विकट क्षेत्रमा सडक यातायात पुग्न बाँकी रहेकाे र त्यस्ता क्षेत्रमा विमानस्थल बनाउनु आवश्यक रहेको बताए । त्यसनिम्ति अध्ययन गर्न पर्यटन मन्त्रालयलाई सुझाव दिए । उनले गृह, रक्षा मन्त्रालय र प्रधानमन्त्री, राष्ट्रपति, उपराष्ट्रपतिको कार्यालयको खर्च एक रुपैयाँ कायम गरी बाँकी सबै बजेट कटौती गर्न प्रस्ताव गरे ।