साताको पहिलो दिन सुनचाँदीको मूल्य बढ्यो

१० असार, काठमाडौं । आइतबार नेपाली बजारमा सुनचाँदीको मूल्य बढेको छ। अघिल्लो कारोबार दिन अर्थात् शुक्रबार प्रति तोला सात सय रूपैयाँ घटेको सुनको मूल्य यस दिन प्रति तोला चार सय रूपैयाँ बढेको हो।

नेपाल सुनचाँदी व्यवसायी महासंघका अनुसार आइतबार छापावाल सुन प्रति तोला एक लाख १० हजार दुई सय रूपैयाँ र तेजाबी सुन प्रति तोला एक लाख नौ हजार छ सय ५० रूपैयाँमा कारोबार भइरहेको छ। शुक्रबार छापावाल सुन प्रति तोला एक लाख नौ हजार आठ सय रूपैयाँ र तेजाबी सुन प्रति तोला एक लाख नौ हजार तीन सय रूपैयाँमा कारोबार भएको थियो ।

त्यसैगरी, आइतबार चाँदीको मूल्य पनि बढेको छ। शुक्रबार प्रति तोला १३ सय ३५ रूपैयाँमा कारोबार भएको चाँदी आइतबार प्रति तोला १३ सय ५० रूपैयाँमा किनबेच भइरहेको छ। अघिल्लो दिनको तुलनामा प्रति तोला १५ रूपैयाँ बढेको हो।