यसै आर्थिक वर्षबाट खेलकुद बीमा लागु गर्छाैं : मन्त्री लिम्बू

१० असार, काठमाडौं । युवा तथा खेलकुद मन्त्री डिगबहादुर लिम्बूले खेलकुद बीमा गर्ने नीति सरकारले लिएको बताएका छन् ।

आइतबार बसेको प्रतिनिधिसभाको बैठकमा सांसदहरुले मन्त्रालयमाथि विनियोजित बजेट शीर्षक र कार्यक्रमबारे सोधेका प्रश्नको जवाफ दिँदै मन्त्री लिम्बूले जीवन नै खेलकुदमा बिताएका खेलाडीको योगदानको कदर र सम्मानका लागि खेलकुद बीमाको नीति लिएको बताए । 

‘आफ्नो युवा उमेरदेखि सारा जीवन नै खेलकुदमा बिताएका खेलाडीलाई राज्यले संरक्षण गर्ने योजना बनाएको छ’ मन्त्री लिम्बूलेल भने, ‘यसका लागि हालका लागि बीमा योजना अगाडि बढाएका छौं । यसले खेलकुदप्रति युवा पुस्ताको आकर्षण बढ्ने र खेल प्रदर्शनमा पनि उल्लेख प्रगति हुने विश्वास मन्त्रालयले लिएको छ ।’

उनले क्रिकेट, फुटबल वा खेलका लागि चाहिँने हल, रंगशालाका आफ्नै जग्गा बनाउने प्रयास पनि भइरहेको उनले बताए । 

उनले क्रिकेट, फुटबल वा खेलका लागि चाहिँने हल, रंगशालाका आफ्नै जग्गा बनाउने प्रयास पनि भइरहेको उनले बताए । पब जीलगायत ईगेमलाई कानूनी मान्यता दिन सकिने वा नसकिनेबारे अध्ययन भइरहेको उनले जानकारी दिए । यसअघि मन्त्रालयमाथिको बेजटमा धारणा राख्ने क्रममा सांसदहरुले पब जी खेलले बच्चालाई बेफाइदा पुर्याएको भन्दै सम्पूर्ण ईगेमहरु बन्द गर्न माग गरेका थिए ।