गृह, वन, खेलकुद र महिला बालबालिका मन्त्रालयका विनियोजित बजेटमाथिको छलफल सकियो

१० असार, काठमाडौं । सरकारले आगामी आर्थिक वर्ष २०८०/८१ का लागि वार्षिक कार्यक्रमअन्तर्गत मन्त्रालयगत विनियोजित बजेट शीर्षकमध्ये ३ वटा मन्त्रालयको छलफल सकिएको छ ।

यसअघिका बैठकमा मन्त्रालयगत विनियोजन विधेयकमाथिको छलफलमा सांसदहरुले उठाएका प्रश्नको जवाफ सम्बन्धित मन्त्रालयका मन्त्रीहरुले दिने क्रम पूरा गरेसँगै छलफल सकिएको हो । 

उपप्रधान एवं गृहमन्त्री नारायणकाजी श्रेष्ठ, वन तथा वातावरण मन्त्री विरेन्द्र प्रसाद महतो र महिला, बालबालिका तथा ज्येष्ठ नागरिक मन्त्री सुरेन्दराज आचार्यले सुरुमा जवाफ र पछि पूरक जवाफ दिएका थिए । यससँगै मन्त्रालयहरुमाथिको छलफल पूरा सकिएको जानकारी सभामुख देवराज घिमिरेले दिए ।

अहिले शहरी विकास मन्त्री सीता गुरुले मन्त्रालयमाथि उठेका प्रश्नको जवाफ दिने क्रम जारी छ ।