पाँच वर्षसम्म यो गठबन्धनले नै सरकारको नेतृत्व गर्छ : प्रधानमन्त्री

११ असार, काठमाडौं । प्रधानमन्त्री पुष्पकमल दाहाल ‘प्रचण्ड’ले अहिलेको गठबन्धनले नै आगामी पाँच वर्ष सरकारको नेतृत्व गर्ने बताएका छन् । धादिङको गजुरीमा आदर्श बहुमुखी क्याम्पसको भवन समुद्घाटनका क्रममा प्रधानमन्त्री प्रचण्डले पाँच वर्षसम्म गठबन्धन टिक्ने बताए ।

‘अहिले कता कता यो सरकारको आयु कति भनेर मिडियामा हुने नहुने चर्चा चल्ने गरेको  छ । पाँच वर्ष यो गठबन्धन केहि हुनेवाला छैन, यही गठबन्धनको नेतृत्वमा देश विकासको युगतर्फ जानेछ’ प्रधानमन्त्री प्रचण्डले भने । 

मुलुक समाजवादतर्फ अगाडि बढिसकेको बताउँदै यसलाई कुनै शक्तिले रोक्न नसक्ने बताए । उनले भने, ‘१८औं शताब्दीमा कार्ल माक्र्सले समाजवाद र साम्यवादको परिकल्पना गरिरहँदा दुनियाँले के भन्छ ? नसोचि तिमी आफू आफ्नो उद्देश्यमा अगाडि बढ भनेको स्मरण गर्न आवश्यक छ । सरकारले ध्यान समाजलाई समृद्ध बनाउनेति केन्द्रित गरिरहेको छ ।’