नर्सलाई विदेश जानबाट अहिल्यै रोक्न सकिँदैन : स्वास्थ्य मन्त्री

११ असार, काठमाडौं । स्वास्थ्य तथा जनसंख्या मन्त्री मोहनबहादुर बस्नेतले नेपाली नर्सलाई विदेश जानबाट रोक्न सकिने अवस्था नरहेको बताएका छन् ।

मन्त्रालयमाथि विनियोजित बजेट शिर्षकमाथि सांसदहरुले उठाएका प्रश्नको सोमबार प्रतिनिधिसभाको बैठकमा जवाफ दिँदै मन्त्री बस्नेतले अहिल्यै नर्सलाई विदेश जानबाट रोक्न सकिने अवस्था नरहेको बताए । 

‘नर्सलाई देशभित्रै रोजगार दिएर रोक्न ठूलो आकारमा बजेट आवश्यक पर्ने र त्यो पूरा गर्न सक्ने अवस्थामा सरकार र मन्त्रालय नरहेको बताए । ‘अहिले नै नर्सिङ अध्ययन गरेका र नर्सिङ कोर्ष गर्न विदेश जाने विद्यार्थीलाई रोक्न सकिने अवस्था सरकारको होइन’ उनले भने, ‘यस्तो अवस्थामा नागरिक अध्ययन र काम गर्ने स्वतन्त्रता दिनुपर्ने हुन्छ ।’

उनले मुलुकका ठूला सरकारी अस्पतालमा बर्न वार्ड संचालन गर्ने नीति सरकारले लिएको जानकारी दिए । सरकारले छुटमा दिने सबै औषधी देशभर पुर्याउने कोशिस जारी रहेको बताए ।