जिल्ला निर्वाचन कार्यालय खारेज गर्ने निर्णयबाट पछि हट्याे सरकार

१२ असार, काठमाडौं । सरकारले जिल्ला निर्वाचन कार्यालय खारेज गर्ने निर्णयबाट पछि हटेको छ । मंगलबार प्रतिनिधिसभाको बैठकमा अर्थमन्त्री डा. प्रकाशशरण महतले सरकारले आगामी आवबाट ७७ वटै जिल्लामा रहेका निर्वाचन कार्यालयहरु खारेज गर्ने निर्णय फिर्ता लिएको घोषणा गरेका छन् । 

यसअघि बैठकमा सुरुवातै विपक्षीदलहरुले जिल्ला निर्वाचन कार्यालय खारेज गर्ने निर्णय फिर्ता नलिएसम्म बैठक चल्न नदिने अडान गर्दै बैठक अवरुद्ध पारेका थिए । त्यसपछि सभाुमुख देवराज घिमिरेले १५ मिनेटका लागि बैठक स्थगन गरेका थिए । करिब १ घण्टापछि बैठक पुनः सुरुचारु भएको छ । पुनः बसेको बैठकमा अर्थमन्त्री डा. मतहले खारेजी जिल्ला निर्वाचन कार्यालय यथावत रहने र जिल्ला निर्वाचन कार्यालयले यसअघि गर्दै आएका सम्पूर्ण कामकारवाही कायम रहने र कार्यालयले गर्ने जवाफ दिए । जवाफपछि बैठक सुचारु भएको छ ।

सरकारले आगामी आर्थिक २०८०/८१ का लागि जेठ १५ मा प्रस्तुत वार्षिक बजेटमा जिल्ला निर्वाचन कार्यालय खारेज गरी जिल्ला प्रशासन कार्यालयभित्र ईकाइ राखेर संचालन गरिने उल्लेख गरेपछि विपक्षी विपक्षी दल एमाले, रास्वपा, राप्रवा, नेमकिपा सहित सत्ताधारी दलका सांसदहरुले तीव्र विरोध गर्दै आएका थिए ।