मन्त्री किरातीलाई स्पष्टीकरण नदिने पक्षमा उड्डययन प्राधिकरणका महानिर्देशक

१२ असार, काठमाडौं । नेपाल नागरिक उड्डयन प्राधिकरणका महानिर्देशक प्रदीप अधिकारीले संस्कृति, पर्यटन तथा नागरिक उड्डयनमन्त्री सुदन किरातीले सोधेको स्पष्टीकरणपत्र जवाफ नदिने पक्षमा उभिएका छन् ।

अधिकारीको कामकारवाही र जिम्मेवारी निर्वाह तथा निर्देशन पालनामा गैरजिम्मेवार बनेको भन्दै मन्त्री किरातीले सोमबार ९ बुँदे प्रश्नसहित स्पष्टीकरणपत्र काटेका थिए । 

मन्त्री किरातीले आफूलाई  ‘अति जरुरी र गोप्य’ भनेर पठाइएकाे पत्र सामाजिक सञ्जालमा मन्त्री आफैंले सार्वजनिक गरेको भन्दै स्पष्टीकरण नदिने बताएका छन् । उनले आफू परेको फेस गर्ने तर स्पष्टीकरण नदिने प्रतिक्रिया दिएका छन् । उनले पत्र सार्वजनिक गरिनु राष्ट्रिय सुरक्षा नीति विपरीत रहेको तर्क गरेका छन् । 

अधिकारीमाथि मन्त्रीले पोखरा र भैरहवा अन्तर्राष्ट्रिय विमानस्थल सुचारु गर्न नसकेको, उड्डयन सुरक्षालाई प्रभावकारी बनाउन नसकेको, उडान सुरक्षामा लापरबाही गरेको र राज्यले सुम्पेको जिम्मेवारी र दिएको निर्देशन बहन नगरी गैरजिम्मेवार रुपमा प्रस्तुत भएको लगायत विषयमा स्पष्टीकरण सोधेका छन् ।

यो पनि पढ्नुहोस