‘गौरीभक्त बाबा’को रूपमा परिचित पुरुषोत्तम काफ्ले भारतबाट पक्राउ

१२ असार, काठमाडौं । आफूलाई ‘गौरीभक्त बाबा’को चिनाउँदै आइरहेका पुरुषोत्तम काफ्लेलाई प्रहरीको टोलीले पक्राउ गरेको छ । नेपाल प्रहरीको केन्द्रीय अनुसन्धान ब्यूरो (सीआईबी)को टोलीले काफ्लेलाई भारतको हरिद्वारबाट पक्राउ गरी सोमबार काठमाडौं ल्याइएको छ । उनलाई ठगी गरेको आरोप लगाइएको छ । 

काफ्लेले नेपाल प्रहरी, सेना र सीआईबीका उच्च अधिकारीसँग आफ्नो हिमचिम तथा सम्बन्ध रहेको भन्दै सर्वसाधारणसँग२ करोड ६९ लाख रुपैयाँ ठगेको आरोपमा पक्राउ गरिएको सीआईबीले जनाएको छ । 

काफ्लेले विभिन्न दलका नेताहरु, नेपाल प्रहरीका बहालवाला तथा पूर्व अधिकृत लगायतसँग फोटो खिचाउने र त्यही फोटो देखाएर विभिन्न व्यक्तिहरुका काम गराइदिने भन्दै रकम असुल्ने गरेको पाइएको सीआईबीको दाबी छ । थप उजुरी आउन सक्ने सीआईबीको दाबी छ ।