बजेट पास गर्न सांसदहरूलाई माओवादी केन्द्रको ह्वीप

१२ असार, काठमाडौं । सरकारको नेतृत्व गरिरहेको नेकपा (माओवादी केन्द्र)ले आगामी आर्थिक वर्ष २०८०÷८१ को बजेट पास गर्न आफ्ना सांसदहरूलाई हवीप जारी गरेको । 

मंगलबार नै माओवादी मुख्य सचेत हितराज पाण्डेले आफ्ना सांसदहरुलाई अनिवार्य उपस्थित हुन र नेपाल सरकारले प्रस्तुत गरेको विनियोजन विधेयक (वार्षिक बजेट)को पक्षमा मतदान गर्न पार्टी अध्यक्ष समेत रहेका प्रधानमन्त्री प्रचण्डको निर्देशन अनुसार ह्वीप जारी गरिएको उनले जनाएका छन् । 

 ‘प्रस्तुत विषयमा भोलि २०८० असार १३ गते बुधबार आ।व। २०८०/०८१ को विनियोजन विधेयक (वार्षिक बजेटको विनियोजन कार्यक्रम) निर्णयार्थ प्रतिनिधि सभाको बैठकमा प्रस्तुत हुने कार्यक्रम रहेको छ। त्यसैले भोलि असार १३ गतेको प्रतिनिधि सभाको बैठकमा अनिवार्य उपस्थित हुन र नेपाल सरकारले प्रस्तुत गरेको विनियोजन विधेयक (वार्षिक बजेट)को पक्षमा मतदान गर्नको लागि हाम्रो दलको विधानको व्यवस्था र दल नेता एवं सम्माननीय प्रधानमन्त्रीज्यूको निर्देशन अनुसार यो निर्देशन (ह्वीप) जारी गरिएको व्यहोरा अनुरोध छ’ विज्ञिप्तमा उल्लेख छ ।

प्रतिनिधिसभा (संसद)मा माओवादी केन्द्रका ३२ सांसद छन् । संसदमा याे दल तेस्राे शक्ति रहेकाे छ । ८८ मत रहेकाे कांग्रेससँग ८८ र दाेस्राे दल एमालेसँग ७८ सांसद छन् । कांग्रेस र एमालेका एक एक सांसद पद रिक्त रहेकाे छ ।

यसअघि मंगलबार नै सरकार मुख्य घटक नेपाली कांग्रेसले पनि आफ्ना सांसदहरुलाई बजेटको पक्षमा मतदान गर्न ह्वीप लगाएको छ ।