‘साफ च्याम्पियनसिप २०२३’ मा नेपालको सान्त्वना जित

१२ असार, काठमाडौं । ‘साफ च्याम्पियनसिप २०२३’ मा नेपालले सान्त्वना जीत निकालेको छ । मंगलबार भएको आफ्नो अन्तिम खेलमा पाकिस्तानलाई १–० गोल अन्तरले पराजित गर्दै सान्तवना जीत निकालेको हो । 

सुरुवाती दुई खेल हार्दै समूह चरणबाट बाहिरिसकेको नेपालले पाकिस्तान विरुद्ध जितसहित प्रतियोगिता सिध्याएको छ । आजको खेल भारतको बैंगलुरुस्थित श्री कान्तिराव स्टेडियममा भएको थियो । जित निकाल्न चौधरीले आशिषले ८०औं मिनेटमा गोल गरेका थिए । 

४६औं मिनेटमा आभास लामिछानेको स्थानमा मैदान प्रवेश गरेका आशिषले लकेन लिम्बुको पासमा नेपालका लागि आफ्नो पहिलो गोल गरेका हुन् ।

नेपाल पहिलो खेलमा कुवेतसँग ३–१ र दोस्रो खेलमा घरेलु टोली भारतसँग २–० ले पराजित भएको थियो । पाकिस्तान भने समूह चरणका तीनवटै खेल हारेको छ । नेपालले पाकिस्तानविरुद्धको खेलमा १५ वर्षपछि जित भएको हो । यसअघि नेपालले पहिलोपटक सन् २००८ मा माल्दिभ्समा भएको साफमा पराजित भएको थियो ।

सन् २०१८ मा बंगलादेशको ढाकामा भएको पछिल्लो साफमा नेपाल पाकिस्तानसँग २–१ ले पराजित गरेको थियो ।