भारतीय प्रहरीको गोली प्रहारबाट सर्लाही पुनर्बासका २ जनाको मृत्यु

१३ असार, काठमाडौं । भारतीय सुरक्षाकर्मीको गोली प्रहारबाट सर्लाहीमा दुई जनाको मृत्यु भएको छ । अन्य ४ जना गम्भीर घाइते भएका छन् ।

गए राति भारतीय सुरक्षाकर्मीले सीमा क्षेत्रमा चलाएकाे गाेलीबाट सर्लाहीको लालबन्दी नगरपालिका-२ पुनर्बासका ४२ वर्षीय राजेश पासवान र सोही उमेरका रुमाले पासवानको मृत्यु भएको जनाइएकाे छ । 

गोली लागेर पुनर्वासकै अन्य ४ युवा पनि गम्भीर घाइते भएका छन् । घाइतेहरूको परिचय खुलेको छैन । घटनाको स्वतन्त्र पुष्टि भइसकेको पनि छैन ।