युवालाई भ्रमित बनाएर राजनीतिमा वितृष्णा फैलाउने काम भइरहेको छ, यो राज्यका लागि हितकर छैनः प्रधानमन्त्री
नेपालबहस संवाददाता
असार १३, २०८० बुधबार १२:५७:४१
१३ असार, काठमाडौं । प्रधानमन्त्री पुष्पकमल दाहाल प्रचण्डले अहिलेको राजनीतिक व्यवस्था र सरकारले गरेका कामप्रति युवाहरूलाई भ्रमित बनाएर देशमा वितृष्णा फैलाउने काम भइरहेको बताएका छन् । उनले नयाँ पुस्तालाई लोकतन्त्रबाट दिग्भ्रमित पार्न खोजिएको बताएका छन् ।
प्रतिनिधिसभाको बुधबारको बैठकमा राष्ट्रपति, उपराष्ट्रपति, प्रधानमन्त्रीलगायतका कार्यालयको विनियोजनमा सांसदहरूले उठाएका प्रश्नको जवाफ दिने क्रममा प्रधानमन्त्री प्रचण्डले अहिलेको भन्दा पनि विगतकै शासन व्यवस्था राम्रो थियो भन्ने भ्रम आजको युवा पुस्तामा पार्न खोजिएको बताए ।
युवाहरूलाई लोकतन्त्रप्रति नै लगावमा राख्ने काम सबैको रहेको बताए । २०६२/०६३ को व्यवस्था परिवर्तनपछिको पुस्ता अहिले सामाजिक सञ्जालमा सक्रिय रहेको भन्दै प्रधानमन्त्री प्रचण्डले उक्त पुस्तालाई लोकतन्त्रप्रति दिग्भ्रमित पार्ने कार्यमा गिरोह नै लागेको बताए ।
मुलुकबाट राजतन्त्रलाई बिदा गरेर लोकतान्त्रिक गणतन्त्र स्थापना भएपछि जनताको जीवनस्तरमा आएको परिवर्तनलाई बिर्साउन खोजिएको प्रधानमन्त्रीको भनाइ छ । ’२० वर्षअघि र आजको जनताको जीवनस्तरमा आएको परिवर्तनलाई बिर्साउन खोजिँदैछ,’ उनले भने । उनले सुशासनको समस्याका कारणले गर्दा पनि यस्तो भाष्यलाई सहयोगी बनेको उनले बताए । लोकतन्त्रको सुदृढीकरण गर्दै अगाडि बढ्न पनि उनले सबैलाई आग्रह गरेका छन् ।
त्यस्तै, प्रधानमन्त्री दाहालले सामाजिक सञ्जालले राष्ट्रका प्राथमिकतालाई विषयान्तर गरिरहेको भान भइरहेको बताएका छन् । उनले भने, ’कतै हामीबीच विषय विज्ञता, ज्ञान र विवेकभन्दा निन्दाबाजी र आवेग त हाबी हुँदै गएको छैन ?’
जनताका मुद्दा समाधान गर्ने भन्दा पनि सस्तो लोकप्रियताका विषय उठानले जनतामा निराशा फैलाउने काम गरिरहेको त छैन भन्ने विषयमा गम्भीर बन्न प्रधानमन्त्री दाहालले सांसदहरूलाई आग्रह गरेका थिए । ’कतै हाम्रै कारणले राजनीतिको चरित्र, चित्र कमजोर पार्ने गरिरहेका त छैनौं ? लोकतन्त्र भावनात्मक आधारले मात्रै सुदृढ हुँदैन,’ उनले भने ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकांग्रेस मात्रै लोकतान्त्रिक पार्टी हो : नेता निधि
जेठ १७, २०८१ बिहिबार
मधेसमा नयाँ सत्ता समीकरण : जनमतको नेतृत्वमा सरकार बनाउने सहमति
जेठ १७, २०८१ बिहिबार
राष्ट्रपति पौडेल स्वीट्जरल्यान्ड र जर्मनी भ्रमण जाँदै
जेठ १७, २०८१ बिहिबार
सशस्त्रमा आईजीपी अर्याल विरुद्ध मोर्चाबन्दी !
नेपालबहस संवाददाता
जेठ १६, २०८१ बुधबार
के हो गृहमन्त्री लामिछानेको महिनावारी फण्डा ?
नेपालबहस संवाददाता
जेठ १५, २०८१ मंगलबार
झापामा हुरीबतासले करोडौँको क्षति, विद्युत् आपूर्ति बन्द
नेपालबहस संवाददाता
जेठ १६, २०८१ बुधबार
डीआईजी र एसएसपी सरुवामा गृहमन्त्रीको मनोमानी, ५ महिना नपुग्दै लखेटिए आचार्य
जेठ १७, २०८१ बिहिबार
सन्दीप लामिछानेलाई अमेरिकाले फेरि पनि दिएन भिसा
जेठ १७, २०८१ बिहिबार
तापक्रममा ‘रेकर्ड ब्रेक’ : वर्षकै सबैभन्दा बढी नेपालगञ्जमा ४४.२ डिग्री
जेठ १७, २०८१ बिहिबार
बजेट पारदर्शितामा नेपाल ५८ औं स्थानमा
जेठ १७, २०८१ बिहिबार
मधेस प्रदेश सरकारको बेरुजु एक अर्ब ५९ करोड
जेठ १७, २०८१ बिहिबार
कांग्रेस मात्रै लोकतान्त्रिक पार्टी हो : नेता निधि
जेठ १७, २०८१ बिहिबार
अत्यधिक गर्मीले विभिन्न स्थानका विद्यालयको पठनपाठन प्रभावित
जेठ १७, २०८१ बिहिबार
मधेस प्रदेशमा ‘श्रमाधान रोजगार मेला’ हुँदै
जेठ १७, २०८१ बिहिबार