विनियोजन विधेयकमाथिको दफावार छलफल सकियो

१३ असार, काठमाडौं । सरकारले आर्थिक वर्ष २०८०/८१ का लागि जेठ १५ मा प्रस्तुत गरेको वार्षिक बजेटअन्तर्गत विभिन्न मन्त्रालय र राष्ट्रपति, उपराष्ट्रपति, प्रधानमन्त्री र राष्ट्रिय योजना आयोगको कार्यालयमाथि विनियोजित बजेटसम्बन्धी विनियोजन विधेयकमाथिको दफावार छलफल सकिएको छ । 

मंगलबार प्रतिनिधिसभाको बैठकमा राष्ट्रपति, उपराष्ट्रपति, प्रधानमन्त्री र राष्ट्रिय योजना आयोगको कार्यालयमाथि विनियोजित बजेट शीर्षकमाथि प्रधानमन्त्री प्रचण्डले सांसदहरुको प्रश्नको जवाफ दिएका छन् । दफावार छलफलका क्रम आज अन्तिम हो । योसँगै विनियोजन विधेयकमाथिको चलफल सकिएको जानकारी सभामुख देवराज घिमिरेले जानकारी दिए ।

अहिले विधेयकहरुमाथि परेको खर्च कटाैतीकाे प्रस्तावलाई सदनमा निर्णायर्थ पेस गर्ने क्रम चलिरहेको छ । सांसद भगवती चौधरी, प्रेम सुवाल, बसन्त नेम्वाङ, कृष्णगाेपाल श्रेष्ठ, सुमना श्रेष्ठ, लिलानाथ श्रेष्ठ र दामोदर भण्डारीले राखेका विरोधकोे सूचना प्रस्ताव बहुमतले अस्वीकार गरेको छ । आव बजेटलाई आजैका बैठकमा पारितका लागि पेस हुने भएको छ ।