मुख्यमन्त्री कार्कीको विश्वासको मतसम्बन्धी प्रस्तावमा मत विभाजन प्रक्रिया सुरू

१५ असार, काठमाडौं । कोशी प्रदेशका मुख्यमन्त्री हिक्मतकुमार कार्कीले बिहीबार प्रदेशसभामा राखेको विश्वासको मतसम्बन्धी प्रस्तावमा जारी बैठकमा मत विभाजन प्रक्रिया सुरु भएको छ । 

प्रस्तावमाथि विपक्षी दलका नेताहरुले विहीबार व्यक्त धारणामाथि आजको बैठकमा मुख्यमन्त्री कार्कीले जवाफ दिने क्रमसँगै सभामुख बाबुराम गौतमले मत विभाजन प्रक्रिया सुरु गरेका हुन् । 

९३ सदस्यीय रहेको प्रदेशसभामा कार्कीको मुख्यमन्त्री पद जोगिन ४७ मत आवश्यक पर्छ । तर ४७ मत रहेको विपक्षी दलहरु कांग्रेस, माओवादी केन्द्र, एकीकृत समाजवादी र जसपाले मत नदिने घोषणा गरिसकेका छन् । एक मत रहेको वसपा भने मत पक्ष वा विपक्ष कतैपनि नलागी तटस्थ बस्ने निर्णय गरेको छ ।

अहिलेसम्म कार्कीको पक्षमा एमालेका ४६ र राप्रपाका ६ गरी ४६ मत स्पष्ट देखिएका छन् । जसपा तटस्थ बस्ने निर्णयले विपक्षीसँग पनि सभामुखसहित ४६ मत मात्र पुग्ने देखिएकाे छ ।