‘विनियोजन विधेयक २०८०’ राष्ट्रियसभामा पेस

१५ असार, काठमाडौं । राष्ट्रिय सभामा ‘विनियोजन विधेयक २०८०’ प्रस्तुत गरिएको छ । शुक्रबार बसेको बैठकमा अर्थमन्त्री डा. प्रकाशशरण महतले  ‘विनियोजन विधेयक, २०८०’ प्रस्तुत गरेका हुन् । 

विधेयक पेस गर्ने क्रममा अर्थमन्त्री महतले आगामी आर्थिक वर्षको सेवा र कार्यका लागि संघीय सञ्चित कोषबाट रकम खर्च गर्नेसम्बन्धी अधिकार दिन सो रकम विनियोजन गर्न बाञ्छनीय हुने भएकाले विधेयक पेस गर्नुपरेको तर्क गरे । 

विधेयक प्रतिनिधिसभाबाट यही बुधबार बहुमतले पारित भएको हो । सोही विधेयक संसदको माथिल्लो सदन राष्ट्रियसभामा दफावार छलफलका लागि पेस गरिएको हो । दुवै सदनबाट पारित भएपछि मात्र कार्यान्वयनमा आउँछ । राष्ट्रियसभाबाट पारित भएपछि पुनः प्रतिनिधिसभामा फिर्ता पठाउँछ ।