प्रधानमन्त्री प्रचण्डले गरे पोखरा हेम्जाका बासिन्दासँग अन्तर्क्रिया (फोटोफिचर)

१५ असार, पोखारा । अन्तर प्रदेश मुख्यमन्त्रीहरूको बैठकमा पोखरा आइपुगेका प्रधानमन्त्री पुष्पकमल दाहाल ‘प्रचण्ड’ले पोखरा आसपासका स्थानीयसँग अन्तरक्रिया गरेका छन् । 

शुक्रबार बिहान मुख्यमन्त्रीहरूको संयुक्त बैठकलाई सम्बोधन गरेपश्चात् प्रधानमन्त्री प्रचण्डले कास्कीको अन्नपूर्ण गाउँपालिका–२ हेम्जाका स्थानीयसँग अन्तरक्रिया गरेका हुन् । स्थानीय जनतासँगको अन्तरक्रियामा प्रधानमन्त्रीले गाउँको अवस्था, खेतीबाली, मौसम लगायतका विषयमा जिज्ञासा राखेका थिए । 

सो क्रममा अन्नपूर्ण गाउँपालिका वडा नं.२ का वडाध्यक्ष पिताम्बर भण्डारीले वडाको अवस्थाबारे प्रधानमन्त्रीलाई जानकारी गराएका थिए । भण्डारीले कास्कीको विकासमा आगामी दिनमा प्राथमिकता दिन आग्रह गरेका थिए । 

सो अवसरमा प्रधानमन्त्रीले स्थानीयसँग अन्तरसंवाद गर्नुका साथै तस्बिर समेत खिचाएका थिए । साथै बुढापाकाहरूसँग सुख दुःखबारे भलाकुसारी समेत गरे । सो क्रममा प्रधानमन्त्रीले स्थानीय अवस्था र जनताका दुःख, चिन्ताबारे विशेष चासो राख्दै जिज्ञासा समेत राखेका थिए । 

तस्बिरहरू हेर्नुहाेस्ः

​​​​​​​