देशको आमुल परिवर्तनका लागि सञ्चार क्षेत्रको भूमिका अहम छ, आवेग र निराशा बढाउने काम नगर्नूः  सभामुख

१५ असार, काठमाडौं । प्रतिनिधिसभा सभामुख देवराज घिमिरेले देशको स्थिरता काम राख्न सञ्चार क्षेत्रको सबैभन्दा ठूलो महत्वपूर्ण भूमिका रहेको भन्दै पत्रकारहरूलाई विषयको महत्व विश्लेषण गरेर समाचार सम्प्रेषण गर्नु सुझाव दिएका छन् । उनले सञ्चार क्षेत्रले आवेग र निराशा बढाउने खालका भूमिका निर्वाह नगर्न आग्रह पनि गरेका छन् । 

संसदीय मामिला पत्रकार समाजको आठौं अधिवेशनको अवसरमा आयोजित कार्यक्रममा सत्यमा आधारित समाचार सम्प्रेषण अहिलेका लागि आवश्यक भएको बताए । सभामुख घिमिरेले कार्यपालिका, न्यायपालिका र व्यवस्थापिकासँग सञ्चार क्षेत्रको निकट सम्बन्ध रहेको बताए । 

सञ्चार क्षेत्रको अधिकारलाई कुण्ठित गर्न नहुने भन्दै उनले यसमा भएका कमजोरी भने हटाउन आवश्यक भइसकेको बताए । सञ्चार क्षेत्रको महत्व धेरै, बन्द र खुला दुवै समाजमा सञ्चारको भूमिका महत्वपूर्ण छ, सञ्चार संसदको महत्वपूर्ण अंग हो । यसले आफ्नो जिम्मेवारी के हो भन्ने भुल्न हुँदैन, सभामुख घिमिरेले भने । 

नयाँ पुस्ता नयाँ मिडियामा अभ्यस्त रहेको भन्दै उनले  मिडियासँग सम्बन्धित ऐन कानुन बन्ने क्रम जारी रहेको भन्दै उनले सञ्चारमूखी ऐनको पक्षमा आफूले सक्दो वकालत गर्ने बताए । घिमिरेले भने, ‘राजनीतिक परिवर्तनमा मिडियाको भूमिका छ । संसद र संसदीय गतिविधि प्रभावकारी बनाउन विश्लेषणात्मक समाचार जरुरी छ । ावेग र निराशा बढाउने भन्दा पनि अहिलेको परिवर्तनलाई संस्थागत गर्न सञ्चारको भूमिका महत्वपूर्ण हुन्छ ।’ 

सभामुख महत्वपूर्ण पद भए पनि संसद प्रभावकारी बनाउन यसका विभिन्न पक्षको भूमिका रहने उनको भनाइ छ । निष्पक्ष हुने सभामुख नेताको घरघर धाउन थाल्यो भन्ने विश्लेषण हुन थाल्यो भने यो टिप्पणीले हुँदैन । पत्रकारिताबाट सही तथ्यगत विश्लेषण आवश्यक छ, अहिले अराजकता देखिएको अवस्थामा सञ्चारबाट सही विश्लेषण आवश्यक छ। उनले भने  ।