हिरासतबाट फरार भएका २ जनालाई समात्न प्रहरी सफल

दीपक शर्मा 

१६ असार, बर्दिया । प्रहरीको हिरासतबाट फरार भएका २ जनालाई प्रहरीले पक्राउ गरेको छ ।  जिल्ला प्रहरी कार्यालय बर्दियाका सूचना अधिकारी हिक्मतबहादुर बोहराका अनुसार  शुक्रबार बिहान हिरासतबाट भागेका बर्दियाको मधुवन नगरपालिका–५ का १९ वर्षका अजय नेपाली र २० वर्षका राजा नेपाली शनिबार विहान पौने एक बजे पक्राउ परेका हुन् ।

उनीहरु ज्यान मार्ने उद्योग मुद्दामा असार ८ गते पक्राउ परेका थिए । उनीहरुलाई मधुवन नगरपालिका–५ को बेलझुण्डी सामुदायिक वन क्षेत्रबाट पक्राउ परेका प्रहरी नायब उपरीक्षक बोहराले जानकारी दिए । फरार पछि पक्राउ परेका दुवैजनालाई अहिले इलाका प्रहरी कार्यालय  ढोढरीको हिरासतमा राखिएकाे छ ।