विद्यतीय चुरोटमा ५३ प्रतिशत कर, हवाई टिकटमाथिको कर एयरलाइन्सबाट लिइने

१५ असार, काठमाडौं । सरकारले विद्युतीय चुरोटमा ५३ प्रतिशत कर लगाएको छ । आइतबार प्रतिनिधिसभाको बैठकमा सांसदहरुले अािर्थक विधेयक २०८० माथि उठाएको प्रश्नको जवाफ दिँदै अर्थमन्त्री डा. प्रकाशशरण महतले सो कुरा बताएका हुन् । 

मन्त्री महतले आयातमा भन्सारमा लाग्ने कर र अन्तशुल्क लगायत गरी खरिद मूल्यको ५३ प्रतिशत कर लगाइएको जानकारी दिएका छन् । स्वास्थ्यलाई हानी पुर्याउने चुरोटमा कर बढाउने सरकारको नीतिअनुरुप कर बढाएको उनले बताए । 

यस्तै, जवाफ दिँदै मन्त्री महतले हवाई टिकटमा लगाइएको कर एयरसाइन्सबाट असुल्ने बताए । साथै आयात गरिने प्याजमा मात्र सरकारले कर लगाउने तर देशभित्र उत्पादन हुने प्याजमा नलाग्ने स्पष्ट पारे । 

विदेशबाट खरिद गरी ल्याइने फ्रोजनयुक्त माछा मासुमा कर लाग्ने बताए । विपद–प्रकोप व्यवस्थापनका लागि भैरी आउने कोषमा ७३ अर्ब रुपैयाँ राखिएको समेत स्पष्ट पारे ।