प्रभु बैंक लिमिटेड र वन्डर्स नेपालबीच बैंकिङ कारोबार गर्न सम्झौता

 

१८ असार, काठमाडौं ।  प्रभु बैंक लिमिटेड र वन्डर्स नेपाल प्रा.लि. बीच महत्वपूर्ण बैंकिङ कारोबार तथा नयाँ व्यावसायिक सम्बन्ध विस्तार सम्बन्धि सम्झौता सम्पन्न भएको छ । यो सम्झौताले दुवै संस्थाको व्यवसाय विकास र विस्तारका लागि नयाँ अवसरहरू सृजना हुने बैंकले विश्वास लिएको छ ।

प्रभु बैंकको तर्फबाट चिफ मार्केटिङ्ग अफिसर मञ्जय राज पाण्डे तथा वन्डर्स नेपालका तर्फबाट कार्यकारी निर्देशक  सोहन श्रेष्ठले उक्त सम्झौतामा हस्ताक्षर गरेका हुन्। सो अवसरमा प्रभु बैंकका वरिष्ठ बजार व्यवस्थापक शेखर राज वस्ताकोटी र निर्देशक पदम प्रसाद न्यौपानेको पनि उपस्थिति थियो । उक्त सम्झौता अनुरुप बैंकले वन्डर्स नेपाल प्रा.लि.को परिसरमा ए.टि.एम, क्यु.आर कोड, पोस मेसिन लगायतका विभिन्न बैंकिङ सेवा प्रदान गर्ने सहमति भएको छ ।

सम्पूर्ण सर्वसाधारण तथा ग्राहकहरुले वन्डर्स नेपाल प्रा.लि. अन्तर्गत काठमाडाैंकाे कमलादी स्थित स्काई वाक भ्यू टावरमा गई आनन्दमय दृश्य अवलोकन गर्नुका साथै यस बैंकबाट प्रदान गरिने बैंकिङ सेवाको सुविधा समेत लिन सक्नुहुनेछ । यस सेवाबाट पर्यटक तथा सो स्थान अवलोकन गर्ने सर्वसाधारण लाभान्वित हुने भन्ने बैंकले विश्वास लिएको छ ।