जब युवकले विवाह गर्न मानेनन् तब युवतीले पेट्रोल छर्किन्

१९ असार, दाङ । दाङ प्रहरीले गम्भीर प्रकृतिको मुद्दामा मिलापत्र गरेर टुङ्ग्याएको पाइएको छ । घोराही १४ बैंक रोड निवासी विशाल अग्रवालमाथि पेट्रोल छर्केर हत्या गर्न खोज्ने युवतीलाई कारबाही नगरी प्रहरीले मिलापत्र गराएको छ । उनकी प्रेमिका भन्ने एक युवतीले आफूसँग विवाह गर्न नमानेको भन्दै युवकमाथि पेट्रोल छर्केर हत्या गर्न खोजेको  विषयमा उजुरी परेको र त्यसलाई  मिलापत्र गराएर छाडेको हो । 

केही समय अघि नारायणपुरकी एक जना युवतीसँगको प्रेममा रहेका अग्रवालमाथि  तिनै प्रेमिकाले पेट्रोल छर्केर हत्या गर्न खोजेको भन्दै प्रहरीमा उजुरी परेको थियो  । सो विषयमा प्रहरीले केटालाई दवावमा पारेर मिलापत्र गराएको पाइएको हो । स्रोतका अनुसार अग्रवालले  सामाजिक सन्जाल फेसबुकबाट ती युवतीसँग च्याट गर्ने समेत गर्दै आए थिए । च्याटमा कुराकानी हुँदै गएपछि उनीहरू आपसमा भेटघाट पनि हुन थाल्यो । उनीहरूबीच सामान्य बोलचाल मात्र भएन भेटघाट भई सँगै बसेर चिया खान पनि थाले ।

जब अग्रवालले ती युवती डिभोर्सी हुन भन्ने थाहा पाए । त्यसपछि उनले च्याटमा कुराकानी पनि कम गर्न थाले । एकाएक युवतीले गएको जेठ १५ गते बिहे गर्न भनेर प्रस्ताव पठाइन । तर, अग्रवालले कुनै जवाफ पनि दिएनन् । घोराहीको बैंक रोडमा रहेको कपडा पसलमा ती युवती सरासर आईन । बिहे गर्न नमानेपछि उनी एकाएक युवकमाथि पेट्रोल छर्कन थालिन  । त्यस क्रममा अग्रवाल सामान्य घाइते भए । उनले अग्रवालकी आमालाई पनि पेट्रोल छर्किन पुगिन । अनि अन्तिममा आफै ती युवतीले पेट्रोल छर्केर आफै आत्मदाह गर्ने प्रयास गरिन । 

साे घटना जिल्ला प्रहरी कार्यालय दाङमा पुग्यो । प्रहरीले युवकलाई केहीबेर राख्यो । राती प्रहरीले वडा प्रहरी कार्यालयबाट जिम्मा जमानीमा छोड्यो । युवकले पनि युवती विरुद्ध मुद्दा हाल्ने भएपछि अन्तिममा प्रहरीले घटना बारे कुनै अनुसन्धान नै नगरेर राजनीतिक दवावमा मिलापत्र गरेर टुङ्ग्याएको हो ।

जिल्ला प्रहरी कार्यालय दाङ नजिकै, त्यसमा बजार क्षेत्र भित्र घटना हुँदा पनि प्रहरी निरीह बनेर नत युवती विरुद्ध मुद्दा चलायो, नत युवकलाई नियन्त्रणमा लिएर  कानुनी कारबाही गर्यो । प्रहरी दवावमा परेर यस्तो गम्भीर घटना मिलापत्र गरेर छाडेको स्रोतले जनाएको छ ।