मंगलबार सुनको भाउ बढ्याे, प्रतितोला कति ?

९ असार, काठमाडौं । नेपाली बजारमा मंगलबार सुनको भाउ उकालो लागेको छ।  मंगलबार प्रति तोला छापावाल सुन  ४०० रूपैयाँ र तेजाबी सुन ३५० रूपैयाँले बढेको छ ।  

योसँगै प्रति तोला छापावाल सुन १ लाख १० हजार ४०० रूपैयाँ र तेजाबी सुन १ लाख ९ हजार ८५० रूपैयाँ कायम भएको नेपाल सुनचाँदी व्यवसायी महासंघले जनाएको छ । 

सोमबार प्रति तोला छापावाल सुन १०० रूपैयाँ र तेजाबी सुन ५० रूपैयाँले घटेको थियो। यो दिन प्रति तोला छापावाल सुन १ लाख १० हजार रूपैयाँ र तेजाबी सुन १ लाख ९ हजार ५०० रूपैयाँमा कारोबार भएको थियो। 

 

मंगलबार चाँदीको भाउ पनि तोलामा ५ रूपैयाँले बढेर १ हजार ३७५ रूपैयाँ कायम भएको छ। सोमबार भाउ स्थिर रहँदै तोलाको १ हजार ३७० रूपैयाँमा किनबेच भएको थियो।