मलेसिलाई हराउँदै नेपालले जित्यो एसीसी यू-१६ इष्ट जाेन कपको उपाधि

१९ असार, काठमाडौं । एसियाली क्रिकेट काउन्सिलको अण्डर सिक्सिटीन (एसीसी यू–१६ जोन) कप नेपालले जितेको छ । नरेनको विष्फोटक ब्याटिङ र अभिषेक तिवारीको घातक बलिङमा नेपाली युवा टोलीले मलेसियामा मंगलबार सम्पन्न एसीसी यू–१६ इष्ट जोनको उपाधि जितेको हो । 

फाइनल खेलमा घरेलु टोली मलेसियालाई २२१  रनको फराकिलो अन्तरले पराजित गर्दै नेपाल उपाधिमाथि कब्जा सफल भएको छ । नेपालले दिएको २५३ रनको विशाल लक्ष्य पछ्याएको मलेसिया १४.५ ओभरमा ३१ रनमा अलआउट भएसँगै नेपालको जित संभव हुन पुग्यो । 

अभिषेक तिवारी एक्लैले ५, सन्तोष यादवले ३, सागर गैरे र अशोक धामीले समान १/१ विकेट लिएका थिए ।उपाधिका लागि नेपाल सिंगापुर र मलेसिया हंङकङलाई हराउँदै फाइनल पुगेको थियो । 

एसियाली क्रिकेट काउन्सिलले यसअघि एसीसी यू-१६ इस्टर्न रिजनको नाममा प्रतियोगिता आयोजना गरेको थियो प्रतियाेगिता नेपालले २०१७ र २०१९ मा लगातार उपाधि जितेको थियो ।