आयरल्याण्डसँगको जारी खेलमा कुशल भुर्तेल ८ रनमा आउट

१९ असार, काठमाडौं । जिम्बाब्बेमा मंगलबार जारी आईसीसी एकदिवसीय विश्वकप छनोट प्रतियोगिताको प्लेअफ चरण खेलमा आयरल्यान्डविरुद्धको खेलमा नेपालका कुशल भुर्तेल ८ रनमै आउट भएका छन् । उनको विकेट क्रेग योङले लिएका हुन् । 

तस हारेर ब्याटिङ गरिरहेको नेपाल ८.३ ओभरमा २८ रन बनाएर खेलिरहेकोछ । नेपालले आयरल्यान्डसँग पहिलो पटक एकदिवसीय अन्तर्राष्ट्रिय प्रतियोगिता खेलेको हो । आजको खेलमा विजयी हुने टोली सातौं र हार्ने आठौं वरीयतामा पर्नेछ । 

नवौँ र १०औँ वरीयताका लागि आगामी बिहीबार अमेरिका र संयुक्त अरब इमिरेट्स (यूएई)बीच खेल हुनेछ ।