लमजुङमा झाडापखलाले ६ वर्षीय बालकको मृत्यु

१९ असार, लमजुङ । झाडापखलाले जिल्लामा एक बालकको मृत्यु भएको छ । मर्स्याङ्दी गाउँपालिका(२ घनपोखरा भाचे भदौरेका ६ वर्षका सन्दिप परियारको झाडापखलाबाट मृत्यु भएको हो । 

बालकलाई सोमबारदेखि झाडापखला लागेको आमा सीमा विकले जानकारी दिइन् । विरामी बालकलाई मंगलबार विहान उपचारका लागि खुदी स्वास्थ्य चौकी ल्याउँदै गर्दा बाटोमा मृत्यु भएको उनले बताइन् । 

‘बाबु हिजोदेखि झाडापखलाले बिरामी थियो । घरमा जीवनजल थिएन, खुवाउन पाइएन’ सीमाले भनिन्, ‘बिहान औषधि गर्न ल्याउँदाल्याउँदै काखैमा बित्यो ।’